Ilinniaqqinneq pillugu nittartakkamut tikilluarit

Nittartakkami matumani pikkorissarnerit, assigiinngitsunik sivisussusilikkat, kiisalu ilinniaqqinnerit  Ilinniaatsinut Instituttimit/ Ilinniarfissuarmit kiisalu Ilinniartitaanermut Aqutsisoqarfimmiit neqeroorutigineqartut suunersut takusinnaavatit. Pikkorissarnissamut neqeroorutit Kalaallit Nunaanni atuarfinni ilinniartitsisunut sammitinneqarput.

Aamma atuarfimmi immikkuullarissunik unammillernartorsiutigisanut ineriartortitsinissamulluunniit malittarinnittussamik ikiortissarsiorsinnaavusi. Tamatumunnga qinnuteqarneq Pisiariaqartitsineq naapertorlugu pikkorissarnissamut qinnuteqarnikkut.

Pikkorissarnerit, isumasioqatigiinnerit aamma sammisaqartitsineri

Atuartitsissummut siunnersortinut isumasioqatigiisitsineq

Isumasioqatigiinnermi siunnersortitut atuuffeqartut paasisaqarnerulissapput atuarfimmilu suliffigisaminni suliassat qanoq iliuuseqarfigisinnaanerlugit ilisimasaqarinerulissallutik

Pisariaqartitsineq naapertorlugu pikkorissarneq

Atuarfik nassuiaammik, siunniussamik erseqqissakkamik imaluunniit inerisaaniarnermik imalimmik, nassiussissaaq.

Inaarutaasumik naliliinerit pillugit suleqatigiisitsineq atuartitsissutini qanitariissuni tamaginni

Meeqqat atuarfianni inaarutaasumik naliliineq (misilitsinneq) pillugu Namminersornerullutik Oqartussat nalunaarutaannik ilitsersuutinillu atuartitsissutinut tunngasunik sammisaqarneq (Workshop).

Pikkorissaatigalugu ingerlatsinerit

Atuarfimmut tulluarsakkamik ilikkagaqarusussuseqartitsilersumik avatangiiseqartitsineq aammalu ilikkarniarnermik aqutsineq samminerullugit iliuuseqaatigaluni ilinniarneq (aktionslæringsforløb).

Atuartut ilikkagaqarusussuseqalersinniarlugit iliuuseqaatigaluni atuartitseriaatsinik ineriartortitsitsineq.

Ilaqutariit klassiini allartitsisussatut imaluunniit ilinniartitsisussatut. Niveau 1

Ilaqutariit klassii periusaavoq atuartoq angajoqqaanilu Ilaqutariit allat peqatigalugit ineriartorneq pissutsinillu allannguineq.

Sanatitsinermi maskiinat atornissaannut pikkorissarneq

Ilinniartitsisunut perorsaasunullu qisunnik maskiinat sanasarfinniittut malittarisassat malillugit isumannaatsumik atornissaannut pikkorissarneq saaffiginnissutaavoq

Atuartitsinermi teknologiit – atuartitsissutini tamani (immikkoortut marluk)

Ilinniartitsisunut teknikkikkut atortorissaarutit atorlugit atuartitsinissamut paasisaqarusuttunut ilisimasaqarnerulerusuttunullu

Atuarfimmi aalaneq

Ulluinnarni atuartitsinermi aalanerunissamik ilaatitsinissamut isumassarsiortitsineq sakkussalersuinerlu.

Atuartut ilikkarniarnermikkut unammillernartorsiortut samminerullugit iliuuseqaatigaluni ilinniarneq.

Atuarfimmut tulluarsakkamik atuartut ilikkarniarnermikkut unammillernartorsiortut atuartinnissaat eqqarsaatigalugu faagimut, atuartitsinermut tarnillu pissusaanut tunngasunik paasisimasaqarnerulernissaq.

Faginut tunngasunik atuarneq

Atuartitsisup qanoq iliorluni atuartup fagitigut atuarnissaanik ikorfartorsinnaanerlugu, taamaalilluni atuartup nammineerluni atuarnermini pissarsiassai annertuneroqqullugit.

Nipinik atuartitsineq: Nipilersuutit, nipiliorneq, nukuk tusaasallu

Nipi sammillugu atuartitsinissap pilersaarusiornissaanut, ingerlatsinissamut naliliinissamullu ( fagit kattutaarnerqarsinnaasunut) sammisamut pisariallit faginut pinngortitamut tunngasunut piginnaasaqalernissaq

Ilinniarnerit

Aallamiut oqaasiisut oqaatsillu aappaattut qallunaatoornermi ilinniartitsisut pisinnaasaannik ineriartortitsineq

Pikkorissartut allamiusut /oqaatsillu aappaattut  oqaasilinnut atuartitsinermi nalinginnarmi oqaatsitigut fagimilu eqqarsaatersuutinik (fagdidaktik) ajornartorsiutinik  paasisimasaqalerlutillu ilisimasaqalissapput

Pædagogisk psykologimi nalinginnaasumilu pamersaanermi kanditatinngorniarneq

Eqqarsaatersuutinik (teoriinik) ilisimasaqarluni isiginniffeqarlunilu meeqqat inuusuttullu ilikkarsartarnerinik nassuiaasunik, kiisalu ilikkarsartarnerit ikorfartortarneri imlt. unittoortitsisarneri.

Matematikkimi ilinniartitsisunut qaffassarneq

Ilinniartitsisoq matematikkimi liniefageqarsimasoq, mematikkimi atuartitsinermi eqqarsaatersuutit pillugit, atuartitseriaatsini ilisimatusarnermi paasisat nutaat atuartitsinermilu atortut nutaanerusut pillugit, utarsarusuttoq qinnuteqarsinnaavoq. Ilinniartitsisup matematikkimi liniefageqanngitsup immikkoortut tamaasa ingerlassinnaavai soraarummeernissaminullu nalunaarluni. Taamaalilluni matematikkimi liniefagilittut pisinnaasaqalissaaq.

Oqaasertaartornermut attaveqarnermullu atuartitsinermut diplominngorniarluni ilinniagaqarneq.

Diplominngorniarluni ilinniagaqarnermi anguniagaavoq ilinniartut fagini ilisimasassatigut tunngavissaqalersissallugit, atuartitsinerni ineriartortitsinernilu fagini fagillu kattutaarlugit oqaatsitigut suliassartaannik ingerlatsisinnaanngorlugit.