Ilinniaqqinneq pillugu nittartakkamut tikilluarit

Ukiuni siuliini periaaserineqartoq assigalugu nittartakkatigut, www.ilinniaqqinneq.gl, qinnuteqarnissat akuersinissallu killingi ataani ullulersugaapput:

1.marts 2024 Ilinniartitsisut qinnuteqarnissaannut ulloq kingulleq.

2.-9. marts - Atuarfiup pisortaasa ilinniartitsisut qinnuteqaataannik misissuinissaanut periarfissaliuttarparput.

9.-15. marts - Kommunemi atuarfimmut aqutsisoqarfimmi pisortat qinnuteqaatinik atuarfimmi akuerineqartunik misissuinissamut periarfissarissavaat.

Ilinniaqqinnissamut soqutiginnittut, atuarfimmili atorfeqanngitsut, allagasiussani linkit atorlugit qinnuteqarsinnaapput. Atuarfimmiinngitsunut peqataanissamut akiliisoqartassaaq.

Pikkorissarnerit, isumasioqatigiinnerit aamma sammisaqartitsineri

Atuartitsinermi aalaneq

Atuartitsinermi aalanissamut pikkorissarnermi aalanissaq ukkatarineqassaaq, ilinniarnissaq aammalu atuartitsinerni allanngorartitsinissaq ukkatarineqarput, taamaasillunilu ullormut aalanissamut innersuussinernut tulluarsagaalluni. Ulluinnarni atuartitsinerni aalanissap akulerunnissaanut sakkussanik isumassarsiassanillu tunineqassaatit. Pikkorissarneq tassaavoq atuartut ukkassisinnaanerannut aallussilluarsinnaaneranullu pitsanngorsaaneq, atuartitsinerup ingerlannerani aalanerup atorneratigut (BIU)

Institut for Læring

Pikkorissaatigalugu ingerlatsinerit

Atuarfimmi tarnikkut ikiueqqaarneq

Meeqqat atuartut uippakajaarlutik, aliasullutik aamma nalaassimasaminnik kingunerluuteqartitsillutik qisuariartarneranni tarnikkut ikiueqqaarnemik pikkorissaaneq atuarfimmi ilinniartitsisunut aqutsisunullu ingerlanneqarnissaa eqqarsaataavoq. Pikkorissaatiginerqartut inersimasut/sullissisut tarnikkut ikiueqqaarnerup mentaliseringilu atorlugu akiunnerup atornerisigut qanoq naapertuunnerusumik qisuariarsinnaanissaminnut iluaqutigisinnaavaat.

Mentalisering mentaliseriisinnaanermillu ineriartortitsineq.

Pikkorissaanermi meeqqat sullissisullu mentaliseringimik atuisinnaaneranut, mentalisering atorlugu akulerunnermut aamma mentaliseringip atornissaanut piginnaanngorsaaneq sammineqassapput. Mentalisering (sianissutsimut tunngasut – soorlu misigissutsit, eqqarsaatit, takorluukkat, kissaatigisat, pisariaqartitat, isummernerit il.il.- atorlugit inuit allat pissusersuutaannik namminerlu pissusilersuutinik paasinninneq).

Kinguaassiutitigut peqqissuuneq, kinguaassiutinut tunngasunik atuartitsineq suiaassuserlu

Meeqqat inuusuttuaqqallu kinguaassiutitigut naapertuilluanngitsuliorfigineqarnissaannut pinaveersaartitsiniutigineqarsinnaavoq namminneq killiminnik aamma kinguaassiutitigut namminermut peqqinnartup suuneranik paasisimasaqalernissaat. Tamanna pissarsiarisinnaavaat atuartut ukiuinut naleqquttumik periutsinillu/killissanillu isummersorsinnaanngorlugit atuartitsinikkut. Pikkorissaaneq manna neriuutigaarput kinguaassiutitigut atoqatigiinnermut tunngasunik atuartitsinissamut isumassarsiorfiusinnaassasoq, periutsinut/killissanut isornartorsiuisinnaalerlutik atuartitsinissamullu atortussanik ilisimasaqalissallutik. Pikkorissaanerup anguniagaraa meeqqat inuusuttuaqqallu atuarfiini atuartut atoqatigiinnermut tunngasutigut ineriartornerini suiaassutsimikkullu kinaassutsimikkut ikorfartorneqassasut, kiisalu peqqissumik kinguaassiutitigut atoqateqarsinnaaneq ineriartorfigissagaat.