Anguniagaq
Atuarfik nassuiaammik, siunniussamik erseqqissakkamik imaluunniit inerisaaniarnermik imalimmik, nassiussissaaq. Pikkorissarnissami aaqqissuusseriaatsit assigiinngitsut neqeroorutigineqarput:
- Pikkorissarnissap imassaa, najukkami pisariaqartitsinermut ikorfartuutaasinnaasoq, Ilinniartitaanermut Aqutsisoqarfik imaluunniit Ilinniarnermik Ilisimatusarfik suleqatigalugu oqaasertalersorneqassaaq/nassuiarneqassaaq.
- Atuarfik nammineerluni suliniutigiumasamik nassuiaallunilu ingerlatsisinnaavoq, Ilinniartitaanermut Aqutsisoqarfimmit imaluunniit Ilinniarnermik Ilisimatusarfimmiit aqutseqataaffigineqartumik.
- Pikkorissarneq ataasiaannarlugu ingerlanneqartussatut imaluunniit, piviusumut tutsitsinissaq anguniarlugu, arlaleriarluni ingerlanneqartussanngorlugu neqeroorutigineqarsinnaavoq.
- Nunap immikkoortuani, nunaluunniit tamakkerlugu sammisaqartitsisinerit isumasioqatigiinnerilluunniit
Saaffigisat
Fageqatigiit, alloriarfikkuutaat, aqutsisut imaluunniit atuarfimmi ilinniartitsisut tamakkerlugit
Imarisaa
Pikkorissarnerup imarisaa kommunemi/atuarfimmi kissaatigineqartut aallaavigalugit Ilinniarnermik Ilisimatusarfik imaluunniit Ilinniartitaanermut Aqutsisoqarfik suleqatigalugu pilersaarusiorneqassaaq.Sammineqarsinnaasunut assersuutaasinnaapput:
- Nalinginnaasumik atuartitsinissamut piareersaasiortarneq aamma pædagogikki; qulequtsiunneqarsinnaallutik soorlu:
- Ilikkarsartunik aqutsineq / Atuaqatigiinnik aqutsineq.
- Atuartup kajumissuseqarnera,
- Aaqqiagiinnginnerit suliarinisssaat (Konflikthåndtering)
- Atuartitsinissamik pilersaarusiorneq -ingerlatsineq naliliinerlu
- Atuarfiup-angerlarsimaffiup suleqatigiinnerat,
- Ilinniartitsisut atassuteqariaasiat (relationskompetence),
- Ilikkartinniakkanut avatangiiserisat,
- Atuartitsinerup inooqataanermut sammisortaa.
- Atuarfimmi suleriaatsimik inerisaaneq, atuartup ilikkarsarneranik toqqissisimanissannillu siuarsaaneq imaluunniit atuarfimmi sulisut kajumissuseqarnerulernissaat.
Sammerusutaq pikkorissaasussallu isumaqatigiissutigineqassaaq
Qinnuteqarnissamut piumasaqaatit
Pikkorissarnermi anguniarneqartoq ersarissooqqullugu siunniussamik erseqqissakkamik imaluunniit inerisaaniarnermik itisiliilluni nassuiaatigineqarnissaa kissaatiginarpoq,
Pikkorissarnissaq ilinniartitsisoqatigiinnut sorlernut ingerlanneqassanersoq ersarissarneqarsimassaaq.
Sivisussusaa
Pikkorissarniarnerup/ineriartortitsiniarnerup sivisussusaa iIsumaqatigiinnikkut aalajangerneqassaaq
