Silami atuartitsineq fagini tamani

Silami atuartitsineq atuartitsinermi suleriaasiuvoq, akuttunngitsumik inip atuartitsiviup silataani imlt. atuarfiup avataani tapertatut inissinneqarsinnaalluni. Silami atuartitsinerup fagit tamaasa ilikkagassatut anguniagaat toqqammavigimmagit fagini tamani atorsinnaavoq. Taanna sumiiffinni atuartunullu eqeersimaarfissatut atuartitsinerummat kajumissuseqalersitsillunilu ilikkarnartutut misiginarmat ilinniartitsisunut sulinermut kajumissaataassaaq.

Anguniagaq

Silami atuartitsinerup pamersaanermi/didaktikkimi suleriaasitut paasitinnissaa anguniagaavoq, aamma pikkorissartut namminneq atuartitsinerminnut iliuusissatut isumassarsiorfigisinnaassavaat. Pikkorissartut teoriit ilisimatusarnerillu tunngavigalugit silami atuartitsineq pillugu tunngavilersuutinik pissarsitinneqassapput, pingaartumik nunatsinnut tunngatillugit.   

Saaffigisat

Meeqqat atuarfianni ilinniartitsisunut tamanut

Imarisaa

Pikkorissarneq silami atuartitsinermut ilitsersuussutaavoq. Tassani teoriit ilisimatusarnikkullu paasisat nutaanerpaat takutinneqassapput suliassiissutitullu siunnersuutaasinnaallutik (”take home”-aktiviteter). Ullut saqqummiinernik suliassanillu assersuutinik nikerartinneqassapput, taamaalillutik pikkorissartut siunnersorneqaatigalutik namminneq silami atuartitsinissaminnik pilersaarusiorsinnaallutik.

Peqataasussanut piumasaqaatit

Pikkorissarnerup nalaani tamanit eqeersimaarluni peqataanissaq piumasarineqarpoq, aammalu silamiinnissamut atisat tulluartut atorneqassallutik.

Pikkorissarnerit marluk akornanni nammineq pikkorissartut atuartitsinerminnut silami atuartitsinissamut piareersarlugu ingerlassimasartik ilaminnut pikkorissarnerup aappaani saqqummiutissavaat, tassanilu misilittakkat  isumassarsiallu pillugit oqallittoqassalluni

Om

2021-06
Danskisut
Institut for Læring
Kirsten Føns, Mette Rasmussen Ilinniarnermik Ilisimatusarfik/ Ilinniartitaanermut Aqutsisoqarfik
Najukkami
Ilinniarnermik Ilisimatusarfik, Ilinniartitaanermik aqutsisoqarfik, atuarfillu piffissamik isumaqatigiinneratigut. Siunnersuutaavoq aasarpalaarnerani pissasoq, soorlu augustip aallartilaarnerani atuartut suli atualinnginnerini. Taavalu aappassaanik ukiaanerani atuanngiffeqarnerup nalaa misilittakkanut ismassarsiassanullu piffisaqarfiusinnaavoq.
Qinnuteqarfissaq kingulleq: 1. marts 2026
Ikinnerpaamik 6 amerlanerpaamik 30
Ullut pingasut marloriarluni ullormut 8 tiimit taavalu akornatigut atuartitsinermik misiliineq; katillugit 48 tiimit..