Matematikkimik atuartitsineq geometrilu

Anguniakkat

Piginnaasaqarfissatut anguniakkat:

Anguniagaavoq ilinniartitsisoq atuartitsinermik misilittakkaminik  akuutitsinermigut ineriartortitsiniarnermigullu matuminnga piginnaasaqarfeqalissasoq:

• atuartut geometriimik uuttortaanermillu suliaqartillutik matematikkimi piginnaasamikkut ineriartornerannik teoriinik nutaaliaasunik atuisinnaalissasoq, tamatumunngalu tunngaviussaaq geometriimi uuttortaanermilu atuartitsinerup anguniagassartalernissaa, ilusilersornissaa, pilersaarusiornissaa, ingerlannissaa, nalilersornissaa kiisalu ineriartortinnissaa.

Ilisimaligassatut anguniakkat:

Ilinniartitsisoq pikkorissarnerup naammassereernerani ilisimatusarnerup teoriinillu pilersitsisarnerup iluini makkuninnga ilisimasaqalissaaq:

• atuartitsinermi periutsit kajumissuseqalersitsisut nutaaliorniarnermillu tapersersuutuutaasut
• matematikkimi atuartitsineq, atuartut ilikkariartornerannik matematikkimilu ilinniakkamikkut ineriartorneranni ikorfartuiffiusinnaasoq
• geometrii toqqissunut tunngasoq sakkunik digitaliusunik, ilusilersuinermik titartaariaatsinillu ilanngussiffiusoq
• geometrii nuussinermut tunngasoq, illugiiffaarinnermik allanillu (mønstre) paasiniaaffiusoq kiisalu misissuinermik ingerlatsiffiusoq
• geometrii initussutimut tunngasoq, ilutsit initussusillit taakkualu pissusii kiisalu sakkut digitaliusut atorneqarfigisinnaasaat
• geometriimik atuartitsinermi IT.

Pikkoriffigilersimasassatut anguniakkat:

Ilinniartitsisup pikkorissarnerup naammassereernerani makkua piginnaasaqarfigilersimassavai:

• matematikkimi atuartitsinermik kajumissuseqalersitsisumik isumassarsiffiusumillu pilersaarusiorneq, atuartut matematikkimi suliassanik pimoorussiffigisaat
• toqqissumi geometriimi nuussinermilu geometriimi ataqatigiinnernik tunngavilersuineq, taakkununnga ilanngullugit atuartitsinermi misileraanernik ingerlatsinerit
• ilutsit initussusillit pissusiinik atuineq, ilaatigut atortunik digitaliusunik ilanngussisarluni
• geometriimi atuartitsinermi IT-mik atuineq.

Kursusertussat

Ilinniartitsisutut ilinniarsimasut, klassini nalinginnaasuni specialklassinilu matematikkimi atuartitsisut aammalu matematikkimi siunnersortitut sulisut.

Imarisai

Geometriimi atuartitsinerup pilersaarusiornerani isuma tunngaviusoq tassaavoq atuartitsineq misileraanertaqarlunilu misissuinertalik. Immikkoortumi tassani suliat ingerlanneqartassapput, kingornatigut ilinniartitsisup nammineq atuartitsinermini misilerartagassai.

 Piukkunnarfiatigut IT ilanngunneqartassaaq.

 Atuartitsissummi matematikkimi teknologimik paasinninnerup ilanngunneqartarnissaa suliatigut assersuuteqarfigalugu paasiuminarsarneqartassaaq.

 Kursusip ingerlanerani marloriarluni katersuuttoqartassaaq (internatit), piffissamilu katersuuffiit akornanni atuartitsissutissanik  suliaqartoqartassaaq.

Kursuserneq ingerlatsinerup iluani naliliinermik naggaserneqassaaq.

Peqataasunut piumasaqaatit

Peqataasut ilinniartitsisutut soraarummeersimassapput.

Om