Saaffigisat
Ilinniartitsisunut matematekkimi liniefageqanngitsunut, aammalu matematikkimi ilisimasanik piginnaasanillu pissarserusuttunut imlt. liniefagilittut matematekkimi pisinnaasaqalerusuttunut.
Ilinniartitsisunut matematikkimi liniefagilinnut matematekkimi didaktikkimi ilisimatusarnermi paasisanik atuartitseriaatsinillu nutaanik paasisaqarusuttunut, kiisalu atortunik nutaanik pissarserusuttunut
Anguniagaq
Ilinniartitsisut ataasiakkaat matematikkimi atuartitsinermi pisinnaasaat qaffassassallugit anguniagaavoq
Imarisai
Ilikkagassatut anguniagassaniittut tunngavigalugit matematikkimik isiginnittaaseq pillugu oqallittoqassaaq. Takkununnga ilaapput fagip imarisai, aammalu misiligaalluni misissuillunilu atuartitseriaaseqarneq.
Pikkorissarneq sisamaqiusanngorlugu aggugaavoq. Immikkoortoq ataaseq naammassigaanni uppernarsaammik tunisittoqartassaaq. Immikkoortut sisamaasut naammassineranni ilinniartitsisup soraarummiissanerluni aalajangissavaa, taamaalillunilu matematikkimi liniefageqartutut pisinnaatitaalissalluni:
- Matematikkimi atuartitsineq atuartut immikkut pisariaqartitsisut aallutaralugit 7,5 ECTS-point
- Matematikkkimi atuartitsineq geometri (ilutsit) aallutaralugit 7,5 ECTS-point
- Matematikkimi atuartitsineq stokastik (statistik og sandsynlighed) aallullugit 7,5 ECTS-point
- Matematikkimi atuartitsineq kisitsisit, algebra aamma funktionit aallullugit 7,5 ECTS-point
- Soraarummeernissap immikkoortua 10 ECTS-point
Immikkoortut ukiut arlallit ingerlanerini neqeroorutaanissaat eqqarsaatigineqarput. Ukioq atuarfiusoq 2022/2023 immikkoortut 3-4 neqeroorutigineqassapput. Uani takusinnaavatit; her, link til kursus, taavalu 2023/2024-mi immikkoortut 1 aama 2 neqeroorutigineqassallutik. Kingusinnersukkut immikkoortut pisariaqartitsineq piumaneqarnerallu apeqqutaatillugit neqeroorutigineqartassapput.
Peqataasussanut piumasaqaatit
Ilinniartitsisutut ilinniarsimaneq. Atuarfiup qinnuteqartullu suleqatigiillutik ineriartornissap ingerlanissaanik pilersaarusiornissaat piumasaqaataavoq, taamaalilluni ilinniartitsisoq pisinnaasamigut matematikkertitsinerni qaffaallaqqullugu. Immikkoortut ilinniartitsisup pisariaqartitai tunngavigalugit toqqarneqassapput.
Sivisussusia
Immikkoortut tamarmik ullut sisamat ullormut nal. ak. 8 marloriarlugit, katillugit nal. ak. 64 + nal. ak. 16 atuarnissamut (nal. ak. 80 immikkoortoq ataatsimut). Immikkoortut sisamat soraarummeernertaat ilanngullugu 40 ECTS-pointinik naleqarput nalunaaquttap akunninngorlugit 350-upput. Nalunaaquttap akunnerinik atuinerit tamarmik pikkorissarnermut tunngatinneqassapput.
Immikkoortut tamarmik marloriarluni imminnut tikilluni atuartitsiffiupput. Taakkua akornisigut nammineq atuartitanut tunngasunik suliassaqartassaaq. Utertitsiffigitinneq internettikkut atuartitsisumiit atuaqatiniillu suleqatigiinnikkut pisassaaq.
Piffissaq
2022-2023 (Immikkoortoq 3 aamma 4)
