Kinguaassiutitigut peqqissuuneq, kinguaassiutinut tunngasunik atuartitsineq suiaassuserlu

Meeqqat inuusuttuaqqallu kinguaassiutitigut naapertuilluanngitsuliorfigineqarnissaannut pinaveersaartitsiniutigineqarsinnaavoq namminneq killiminnik aamma kinguaassiutitigut namminermut peqqinnartup suuneranik paasisimasaqalernissaat. Tamanna pissarsiarisinnaavaat atuartut ukiuinut naleqquttumik periutsinillu/killissanillu isummersorsinnaanngorlugit atuartitsinikkut. Pikkorissaaneq manna neriuutigaarput kinguaassiutitigut atoqatigiinnermut tunngasunik atuartitsinissamut isumassarsiorfiusinnaassasoq, periutsinut/killissanut isornartorsiuisinnaalerlutik atuartitsinissamullu atortussanik ilisimasaqalissallutik. Pikkorissaanerup anguniagaraa meeqqat inuusuttuaqqallu atuarfiini atuartut atoqatigiinnermut tunngasutigut ineriartornerini suiaassutsimikkullu kinaassutsimikkut ikorfartorneqassasut, kiisalu peqqissumik kinguaassiutitigut atoqateqarsinnaaneq ineriartorfigissagaat.

Anguniakkat

  • Kinguaassiornermi peqqissuuneq suiaassutsikkullu kinaassuseq suunerannik ilisimasaqarnissaq
  • Ilinniartitsisup kinguaassiutitigut assigiinngisitaartuunitsinnut paasinittaasiata atuartitsinissamut piareersaateqarnermut, ingerlatsinissamut naliliinissamullu attuumassuteqarneranik paasinninneq
  • Atuarfiup alloriarfiini tamani kinguaassiutitigut atoqatigiinneq sammillugu atuartitsinissamik pilersaarusiornermik, ingerlatsisinnaanermik naliliinissamillu misilittagaqalerneq
  • linniartitsisutut atuartut kinguaassiutitigut eqqunngitsuliorfigineqarsimasut, qanoq iliorfiginissaat paasisimasaqarfigilissagaat, tassunga ilanngullugu attaveqaqatigiittarfikkut eqqunngitsuliortarneq.

Saaffigisat

Meeqqat atuarfiini ilinniartitsisunut

Imarisai

Pikkorissarneq kinguaassiutitigut peqqissuunermik suiaassutsikkullu kinaassuseqaleriartortarnermut tunngasunik ilisimasassanik tunisissaaq, aammalu kinguaassiutit pillugit atuartitsinissamik pilersaarusiornermut tunngavissanik pissarsiviussalluni.

Fagimi taaguutit paasinnittaatsillu. ilinniartitsisut qanoq atuartunut attaveqarsinnaanersut aammalu atuartunik kinguaassiutitigut eqqunngitsuliorfigitissinnaasunik pasitsaassinermi eqqumaffigineqassassat suuneri ilinniartitsissutigineqassapput. 

Pikkorissarnermi nammineq atuartitassanut pilersaarusiorneq angajoqqaallu qanoq akuutinneqarlutilluunniit ilisimatinneqarsinnaanerat sammineqassapput.

Atuartitsinermi atortussanik suliaqarnermi angajoqqaanillu ataatsimiisitsinissanik imaluunniit – ilisimatitsissusiornermi alloriarfikkaarluni suleqatigiittoqarsinnaavoq.

Pikkorissarnermi katersuunnissat akornanni kinguaassiutit pillugit atuartitsineqassaaq, taassuma kingorna pikkorissartut Ilinniarfissuarmiillu pikkorissaasut akornanni atuartitsineq pillugu siunnersuilluni oqaloqatigiittoqartassalluni.

Peqataasussanut piumasaqaatit

  • Sammisat pillugit soqutiginninneq.

  • Kinguaassiornermik meeqqat atuarfianni atuartitsinissamik soqutiginnittuusariaqarpoq (fagit inuttut inerikkiartorneq, timersorneq uumasulerinerlu).

Om

2024-05
Kalaallisut qallunaatullu, pisariaqartitsinerlu naapertorlugu kalaallisuunngortitsisoqarsinnaavoq.
Institut for Læring
Lisa Korneliussen aamma Kamilla Frimodt Madsen, Ilinniarfissuaq/Institut for læring
Najukkami
Atuarfiup Ilinniarfissuarmilu atuartitsisut akornanni isumaqatigiinnikkut piffissaliisoqassaaq.
Qinnuteqarfissaq kingulleq: 1. marts, 2024
Ikinnerpaamik 5
Katillugit ullut 5 ullormut 8 tiimit: Ukiaanerani ullut 3-t ullormut 8 tiimit aamma upernaakkut ullut 2 ullormut 8 tiimit, piffissat pineqartut akornanni nammineerluni kinguaassiutit pillugit atuartitsissusiap misiliinissaanut periarfissaqassalluni 1 time pikkorissartumut ataatsimut ● Pikkorissartup nammineq kinguaassiornermut tunngasunik atuartitsineranut ilitsersuineq pikkorissarnerup aallaqqaataani naggataanilu pissapput.