Anguniakkat
Pisinnaasatigut anguniakkat:
Anguniagaavoq ilinniartitsisoq atuartitsinermik misilittakkaminik akuutitsinermigut ineriartortitsiniarnermigullu matuminnga piginnaasaqarfeqalissasoq:
- matematikkimi atuartitsinermi atuartut immikkut pisariaqartitsisut ilikkariartortarnerat taakkuninngalu atuartitsineq pillugu teoriinik ilisimatusaatinillu nutaanerusumik ilisimasaqarneq aallaavigalugu pædagogikkimi didaktikkimilu periusissanik toqqagaqarsinnaalerneq, tunngaviliisinnaalerneq taakkuninngalu nalilersuisinnaanngorneq
- allanngorartitsilluni matematikkimi atuartitsinermik, atuartunik immikkut pisariaqartitsisunik peqataatitsiffiunerulersumik pilersaarusiorneq, naammassisaqarneq taassuminngalu naliliineq kiisalu pisariaqartitat aallaavigalugit ikiuutinik tulluartunik toqqartuisinnaaneq
Ilisimasatigut anguniagaq:
Ilinniartitsisup pikkorissarnerup naammassereernerani makkua ilisimasaqarfigilissavai:
- atuartut matematikkimi ajornartorsiuteqarsinnaasut imaluunniit matematikkimi immikkut piginnaasaqartut kiisalu taakkua ilisarnaatigisinnaasaat
- matematikkimi atuartitsinermi atuartut immikkut pisariaqartitsisutut inissinneqaraangata atuartut pissusilersuutaannik, taakkununnga nassuiaatigineqartartumik, suussusiliisarnernik tamatumunngalu patsisaasunik ilisimasaqarneq
- matematikkimi atuartitsinermi siusissukkut suliniuteqartarnerit
- atuartut oqaatsitigut ineriartornerat qanoq pingaaruteqartiginera, taakkununnga ilanngullugit ulluinnarni oqaatsit ilinniakkanilu oqaatsit
Pikkoriffigilersimasassatut anguniakkat:
Ilinniartitsisup pikkorissarnerup naammassereernerani makkua piginnaasaqarfigilersimassavai:
- pædagogikkimi ajornartorsiutit ulluinnarni atuuttut teoriimilu allaaserineqartut suussusersisinnaanngornissaannut misissornissaannullu pædagogikkimi didaktikkimilu suleriaatsinik teoriinillu atuisinnaaneq
- matematikkimi didaktikkip iluani ajornartorsiutinik naapinneqartartunik allaaserinnissinnaaneq, oqaasertaliisinnaaneq taakkuninngalu ingerlatitseqqiisinnaaneq, aammalu matematikkimi atuartitsinermi qanoq iliuuseqarsinnaanernik siunnersuuteqarsinnaaneq
- matematikkip iluani didaktikkimi ajornartorsiutinik suussusersisinnaanngornissaaneq
- ulluinnarni periutsinik misissuisinnaaneq, uppernarsaasinnaaneq, naliliisinnaaneq nalilersuisinnaanerlu
- atuartitsinermi suleriaatsinik misileraaffiusunik misissuiffiusunillu ilanngussisinnaaneq
Kursusertussat
Ilinniartitsisutut ilinniagallit, klassini nalinginnaasuni specialklassinilu matematikkimi atuartitsisut aammalu matematikkimi siunnersortitut sulisut,
Imarisai
Taaguutit dyskalkuliip aamma matematikkimi ajornartorsiuteqarnerup nassuiaatai, allaaserineqarneri kiisalu killilerneri.
Misissuutit (screeningsmaterialer) atornerisigut atuartut matematikkimi ajornartorsiuteqarnersut/ajornartorsiornersulluunniit paasiniaasinnaaneq
Atuartut matematikkimik ajornartorsiuteqartut isiginerullugit matematikkimi atuartitsinermi attaveqaqatigiittarnerit, oqaatsit taaguutillu. Ulluinnarni atuartitsinermi matematikki pillugu ilisimasanik atuarnermik ilanngussisarneq.
Piukkunnarfiisigut IT ilanngunneqartassaaq.
Atuartitsissummi matematikkimi teknologimik paasinninnerup ilanngunneqartarnissaa suliatigut assersuuteqarfigalugu paasiuminarsarneqartassaaq.
Kursusip ingerlanerani marloriarluni katersuuttoqartassaaq (internatit), piffissamilu katersuuffiit akornanni atuartitsissutissanik suliaqartoqartassaaq.
Kursuserneq ingerlatsinerup iluani naliliinermik naggaserneqassaaq.
Peqataasunut piumasaqaat
Peqataasut ilinniartitsisutut soraarummeersimassapput
