Anguniagaq
Pikkorissarnermi uani siunertaavoq oqaatsinik ilinniartitsisut atuartitsinerminni isumassarsiornissaat, atuakkialereriaatsip nutaaliortumik ineriartortinnissaa aammalu teknologip atuakkialerinermut tulluartumik ilaatillugu atuartitsissutiginissaa. Ilinniartitsisut ulluinnarni oqaatsinik atuartitsinermi teknologiimillu paasinninnermi ilikkagassatut anguniagassat tapugullugit atuartitsissutiginissaat sammissavaat. sning.
Saaffigisat
Meeqqat atuarfiini alloriarfinni tamani oqaatsinik ilinniartitsisartunut.
Imarisaa
Oqaatsinik ilinniartitsisartut atuakkialerisitsisarnertik isumaliutigissavaat.
Peqataasut ulluinnarni atuartitsinerminni atuakkiat atortakkatik aallaavigalugit teknologiip ilanngunnissaa misilerassavaat. Atuakkianik sammisaqarnermi oqalunneq, allanneq oqaatsillu iserfigineqassapput.
Peqataasut teknologii ilaatillugu nutaaliortunik atuartitsissusiornissaminnut periarfissinneqassapput.
Peqataasut periaatsit atortullu nutaat atuartitsinerminnut ilaatittalernissaannut pilersaarusiussapput.
Kursusi internetikkut naggaserneqassaaq, tassanilu atuartitsissusiat misilerariikkat nalilerneqassapput.
Peqataasunut piumasaqaatit
Ilinniartitsisut oqaatsinik atuartitsineq misilittagaqarfigissavaat.
