Eqeersimaartumik atuartitsineq

Meeqqat atuarfianni ilinniartitsisut fagini aalajangersimasuni atuartitsinerannut timip aalatinnerata eqeersimaartumillu ilikkariartortitsinerup piginnaasaannut ilanngunneqarnissaat pikkorissaanermi uani siunertarineqarpoq. Teoriit aamma sulinermi periutsit atuartut aallussinerannik, nalerisimaarnerannik suliatigullu naammassinnittarnerannik siuarsaasut internetsikkut pikkorissaanikkut ingerlassinerni arlalinni peqataasut paasisaqarfigissavaat. Pikkorissaanermi uani fagit aalajangersimasut pineqartut tassaapput oqaasilerinermi fagit. Pikkorissaanerup immikkoortuata aappaani fagit aalajangersimasut allat sammineqassapput.

Anguniagaq

    • Eqeersimaartumik ilinniartitsineq peqataasut ilisimasaqarfiginerulissavaat
    • Faginut aalajangersimasunut tunngatillugu ilinniartitsinissamut pilersaarutinik, timimik aalatitsinissamik imaqartunik, peqataasut ineriartortitsisinnaalerlutillu atuutsilersitsisinnaanngussapput
    Atuartut ilikkariartornerat nalerisimaarnerallu pitsanngorsarumallugit peqataasut atuartitseriaatsitik nalilersorsinnaanngorlugillu tulluarsarsinnaanngussavaat

Saaffigisat

Pikkorissaaneq ilinniartitsisunut oqaasilerinermi fagini klassini tamani atuartitsisuusunut atuartitseriaatsiminnik ineriartortitserusuttunut atuartuutiminnillu uummaarinnerusumik sunniiveqatigiiffiunerusumillu ilikkariartortitserusuttunut ilusilersugaavoq.

Imarisai

Pikkorissaaneq ukiup atuartitsiviusup ataatsip iluani ingerlanneqassaaq, internetsikkullu pikkorissaanermi immikkoortunut 6-inut agguarneqarluni, tamarmik immikkut akunnernik 3-nik sivisussuseqartunik. Pikkorissaanerit akuttuallaanngitsumik ingerlanneqartassapput, taamaasillutik peqataasut periutsit ilikkakkatik namminneq atuartitsinerminni misilinnissaannut eqqarsaatigeqqissaarnissaannullu periarfissinneqassapput, atuartullu inuttut kinaassusaannut imminnullu upperinerannut nukittorsaaqataassallutik.

Sivisussusaa

Ukiup ataatsip iluani agguataarneqarsimasunik internetsikkut 6-eriarluni atuartitsineq, tamarmik immikkut akunnernik 3-nik sivisussuseqarlutik

Peqataasussanut piumasaqaatit

Meeqqat atuarfianni 1.-10. klassemi oqaasilerinermi ilinniartitsisuuneq

Om

2025-02
Pikkorissaasut apeqqutaallutik ilaatigut kalaallisut ilaatigullu qallunaatut oqaatsit atorneqassapput
Institut for Læring
Anja Andersen Suleqatigisaalu, Institut for Læring
Internetsikkut
Ualit arfinillit, Ukiaanerani ualinut 3-nut aamma upernaakkut ualinut 3-nut agguataarneqarsimasut
Qinnuteqarfissaq kingulleq: 1. marts 2025
Ualit 3-t ukiaanerani agguataarneqarsimasut aamma ualit 3-t upernaakkut agguataarneqarsimasut