Sermeq apullu atuartitssutitut

NB: TAAMAALLAAT DANSKISUT TULUTTULLU INGERLASSAAQ!!! Pikkorissartut sermeq apullugu ilisimasanik ilisimatusarnernillu nutaanerpaat pillugit atuartinneqarlutillu tuniorarneqassapput. Pikkorissartut sermip aputillu misissuinermik aallaveqarluni atuartitsissutiginissaanut piareersaanermut ingerlannissanullu ilinniartitsinneqassaput.

Anguniagaq

Pinngortitalerinermi ilinniartitsisut  sakkussanik  pitsaasunik meeqqat atuarfianni angajullerni atuartitsinissaannut sermeq apullu pillugit atorsinnaasaannik tunissallugit anguniagaavoq.

Saaffigisat

Atuarfimmi angajullerni pinngortitalerinermi ilinniartitsisunut (pinngortitalerilluni nunalerinermi, uumassusilerinermi fysik/kemimilu)

Imarisaa

Pikkorissaaneq marlunnik immikkoortortaqarpoq. Siulleq piffissami 14.-18. septemberi 2021-mi ingerlanneqassaaq. Immikkoortut aappaat ullut tallimat 2022-mi februarimi ingerlanneqassaaq (15.-19-februarimut inissinneqarallarpoq).

Immikkoortumi siullermi makkua sammineqassapput:

  • Aput, sermeq sermersuillu iigartartut

Immikkoortut aappaanni makkua sammineqassapput:

  • Sermip atuartitsissutigineranik naliliinerit
  • ”aput”

Atuartitsinermi suliassat tigussaasut

Suleriaaseq saqqummiinertut, eqimattakkaarluni sulinertut aammalu tigussaasunik suliaqarnertut ingerlanneqassaaq.

Pingortitalerinermi fagitut misissuerpalaartunik sammisaqartitsisarnerup inerisarnissaa annertuumik qitiutinneqassaaq. Sermeq apullu pillugit ilisimatusarnermit ilaatigut GEUS-imit, Nunatta Pinngortitalerivianit aammalu Dartmouth Collegemit ilisimatusarsimasunit saqqummiunneqassapput.

Peqataasut immikkoortumi siullermi sapaatip akunnerata ingerlanerani peqatigiillutik sermeq apullu pillugit atuartitsissutissamik atatsimik arlalinnilluunniit, immikkoortut siulliup aappaatalu akornanni atuartitsinermi ilanngunneqartussanik, suliaqassapput.

 Peqataasut immikkoortut marluk akornanni sermeq apullu pillugit atuartitsissutiliarisartik ingerlallugulu uppernarsaasiussavaat.

Immikkoortut aappaat Kangerlussuarmi ingerlanneqassappat sermersuarmut Point 660-imut alakkarterinermik naggaserneqassaaq.

Peqataasussanut piumasaqaatit

Peqataasussat qallunaatut tuluttullu atorsinnaasaminnik oqalussinnaallutillu allassinnaassapput.

Qinnuteqartut Peqataasut pinngitsooratik immikkoortup siulliup aappaatalu akornanni sermeq apullu sammillugu atuartitsillutillu uppernarsaasiussapput.

Naatsorsuutigineqarpoq immikkoortuni marlunni aammalu immikkoortut akornanni atuartitsinermi sukataarluni sulisoqassasoq.

Pikkorisarnerit nalaanni tamakkiisumik, tassa 100%-imik,  peqataanissaq naatsorsuutigisaavoq.

Om

2021-01
Qallunaatut tuluttullu atuartitsisoqassaaq.
Institut for Læring
Lars Demant-Poort (Ilinniarfissuaq), Louise Huffman (Dartmouth College, USA), William Grosserf (Californien, USA)
Immikkoortoq 1 – Nuuk Immikkoortoq 2 - Nuuk imlt. Kangerlussuaq (2021-mi alajangerneqassaaq)
Immikkoortoq 1: 14.- 18. september, 2021 Immikkoortoq 2: Februar 2022 (immikkoortup aappaata pinissaanut ullui aalajangerpata 2021-mi upernaakkut nalunaarutigineqassaaq)
Qinnuteqarfissaq kingusinnerpaamik: 1. marts, 2020
Amerlanerpaamik 20
Immikkoortoq 1 = Ullut tallimat á nal. ak.8, katillugit nal. ak. 40 Immikkoortoq 2 = Ullut tallimat á nal. ak.8, katillugit nal. ak. 40