Paasisassarsiorluni angalanernut aningaasaliissutit

Aningaasat Kalaallit Nunaanni paasisassarsiorluni angalanernut, suliffeqarfinnut pulaarnernut aamma suliffeqarnermut aamma atuartut siunissamut ilinniaqqinnissamut periarfissaannut immikkut aaqqissuussaasumik atuartitsinernut atorneqassapput.

Anguniagaq

Aningaasat Kalaallit Nunaanni paasisassarsiorluni angalanernut, suliffeqarfinnut pulaarnernut aamma suliffeqarnermut aamma atuartut siunissamut ilinniaqqinnissamut periarfissaannut immikkut aaqqissuussaasumik atuartitsinernut atorneqassapput.

Qinnuteqarsinnaasut

Aningaasaliissutit qinnuteqarfigineqarsinnaasut atuartunut nunaqafimmiunut, isorliunerusunersunilu najugalinnut Kalaallit Nunaanni paasisassarsiorluni angalanissamut, suliffeqarfinnullu ornigunnissamut angallannikkut periarfissaluttunut atugassanik aningaasannanniarnissamut periarfissaluttunut periarfissiinertut immikkoortinneqarput.

Klassi sinnerlugu ilinniartitsisut qinnuteqaasiussapput.


Imarisaa

Suut qinnutigineqarsinnaappat?

  • Angalanermut aningaasartuutissatut missingersuutit
  • (billetit allallu angalanermut aningaasartuutinut)
  • Nerisaqarnermut – meeqqamut ataatsimut ullormut 200 kroner kommunemit akilerallarneqassaaq, Ilnniartitaanermullu aqutsisoqarfimmit kingusinnerusukkut akilerneqassalluni.
  • Ineqarnermut angalanermut pilersaarutaasut malillugit unnuinernut. (Angalanerup nalaani unnuisarnernullu unnuiffiusinnaasut sapinngisamik akikinnerpaajusut toqqarneqarsimassapput.)

 NB. Angalanermut kaasarfimmiussanik qinnuteqartoqarsinnaanngilaq.

Qinnuteqartunut piumasaqaatit

Qinnuteqaat missingersuusiamik ilaqassaaq, iliuusissamut nassuiaat aamma paasisassarsiorluni angalanissamut pilersaarut ilanngunneqassaaq, taakkununnga ilanngunneqassalluni suliffeqarfiit pulaarneqartussatut pilersaarutaat. 

  1. Missingersuummut angalanermut, nerisaqarnermut ineqarnermullu aningaasartuutit allallu ilanngullugit immikkoortitaarneqarsimassapput.
  2. Suliffeqarfinnut pulaarnerit saniatigut ilinniarfinnut ilinniarfiusinnaasunillu takoqqusaarutinik aaqqissuussinernut, suliffiusinnaasunillu takoqqusaaruteqartunut peqataanerit ilanngunneqarsinnaapput.

Paasisassarsiorluni angalareernerup kingorna inaarutaasumik naatsorsuusiortoqassaaq Ilinniartitaanermut Aqutsisoqarfimmut nassiunneqartussamik.

Isumagisassanut paasissutissat

Qinnuteqartut namminneq angalanissat unnuiffissallu akisussaaffigaat isumagisassartaallu suliassaraalugit.

Qinnuteqarnermi periuseq

  • Qinnuteqartoqartinnagu atuarfiup pisortaanit kommunimilu ingerlatsivianit akuersisoqaqqaartassaaq.
  • Qinnuteqaat una aqqutigineqassaaq: ila@nanoq.gl
  • Ilinniartitsisut atuartullu aqqi cpr.nr.-ilu qinnuteqaatip immersugassartaanut” nalunaarsorneqassapput. Malugiuk qinnuteqartussat qassiunersut toqqarukkit ataani aqqisa allattorfissaat nuissaaq.
  • Missingersuutit, iliuuseqarnissamullu nassuiaat aamma paasisassarsiorluni angalanissamut pilersaarut immersuiffiusussamut “qinnuteqaammut tunngaviusut”-mut kopeerlugit ilanngunneqassapput

Ilanngussaq qinnuteqarnissami paasissutissat

Om

2019-44
Ukioq naallugu qinnuteqaatit nassiunneqarsinnaapput, aningaasaliisoqartassaarluni kontop imaarunnissaata tungaanut.
Klassimi atuaqatigiit imaluunniit atuaqatigiit eqimattat