Nutaaliorluni aallarnisaanermut ilinniartitsisinnaanissamut ilinniartitseqqinniarpoq

Ilinniartitsisuuvit atuartuutinnullu ilinnullumi ineriartortitserusussusilik? Ilinniartitseriaatsimik nutaamik misilittaanissannut takorluugaqarpit, taava maanna periarfissaqalerputit. Fonden for Entreprenørskab Kalaallit Nunaat 2022-imi nutaaliorluni aallarnisaanermut ilinniartitsisinnaanissamut ilinniartitseqqinniarpoq. Taamaattumik siunissami Kalaallit Nunaanni nutaaliorlutik aallarnisaasussanik pilersitseqataaniassagavit suleqatitillu ilinniartitseqqinnissamut peqataanissassinnut nalunaaritsi. Arlaannik apeqqutissaqaruit saaffigisinnaavaatsigut. Suut neqeroorutigisinnaanerigut ataani paasisaqarfigisinnaavat.

Anguniagaq

Peqataasut:

  • Nutaaliorluni aallarnisaanermut tunngasunut ilinniartitsinissamut teoritiskimik paasinninneq
  • Nutaaliorluni aallarnisaasinnaanissamut ingerlariaatsinik aammalu naleqalersitsinermut suliniutinik paasinnissinnaaneq
  • Sivisuumik nutaaliorluni aallarnisaanermut tunngasunik ilinniartitsisinnaaneq
  • Fonden for Entreprenørskabip programmiinut, sakkuliaannut saqqummersitaannullu ilisimasaqalerneq
  • Nammineq atuartitsissutigisartakkani nutaaliorsinnaanerup aallarnisaasinnaanerullu ilanngunneqarneri ineriartortinneqarnerilu
  • Nammineerluni nutaaliorluni aallarnisaasinnaaneq ilinniartitsissutigisartakkami atorneqarsinnaaneranik eqqarsarsinnaasuseq

Saaffigisat

Pikkorissartitsineq meeqqat atuarfianni ingerlanneqarnissaanut tulluarsagaavoq

Imarisai

Pikkorissartitsineq ulluni marlunnik ingerlanneqassaaq. Pikkorissarnerullu aallartinnginnerani peqataasussat qulaani taakkartorneqartut pillugit Edison imaluunniit Company Programme pillugit ilisimassarsiussallutik.

Ullut assigiinngiiaartunik ingerlanneqassapput, teoriit paasisaqarfigineqassapput, misilittarneqassapput eqqarsaatigineqassallutillu. Pikkorissarnerullu ingerlanneqarnerani annerpaamik misilittaanermik ingerlanneqassalluni, taamaasiornikkummi paasisat atuartitsinermi qanoq atorneqarnissaat toqqaannartumik ilisimaneqalerniassammat.

Peqataasussanut piumasaqaatit

Ilinniartitsisut peqataaniartut peqataanissaminnut pisussaaffii tassaapput: 

  1. peqataasussat programmi malillugu sammineqartussanut piareersassapput
  2. ulluni marluni pikkorissartitsinernut peqataassapput
  3. 2022 aasaareernerani sivisunerusumik nutaaliorluni aallarnisaanermut tunngasunik pikkorissartiteqqittoqalerpat peqataanissaq, taassumalu kingorna atuartuutit 2022-ip ukiaanerani pisoqartitsinermi peqataasinnaalissallutik
  4. pikkorissartitsineq pillugu naliliisoqalerpat peqataanissaq.

    Om

    2022-31
    Kalaallisut / Qallunaatut
    Fonden for Entreprenørskab
    Najukkami / Ornigussinnaanngikkutta online-kkut ingerlanneqarsinnavoq
    Ilinniarnermik Ilisimatusarfik, Ilinniartitaanermik aqutsisoqarfik, atuarfillu piffissamik isumaqatigiinneratigut
    Qinnuteqarnissamut killigititaq: 1. marts, 2022
    8 - 20
    Ullut marluk - ullormut tiimit 8