Matematikkimi ilinniartitsisunut qaffassarneq

Ilinniartitsisoq matematikkimi liniefageqarsimasoq, mematikkimi atuartitsinermi eqqarsaatersuutit pillugit, atuartitseriaatsini ilisimatusarnermi paasisat nutaat atuartitsinermilu atortut nutaanerusut pillugit, utarsarusuttoq qinnuteqarsinnaavoq.Ilinniartitsisup matematikkimi liniefageqanngitsup immikkoortut tamaasa ingerlassinnaavai soraarummeernissaminullu nalunaarluni. Taamaalilluni matematikkimi liniefagilittut pisinnaasaqalissaaq.

Saaffigisat

Ilinniartitsisunut matematikkimi liniefagerinagu atuartitsisartunut aammalu matematikkimi pisoqalisumik liniefagilinnut.

Anguniagaq

Anguniagaavoq atuarfiit ataasiakkat ilinniartitsisoq qinnuteqartoq suleqatigalugu matematekkimi pisinnaasanik qaffassaanissami ineriartuutaasussanik pilersarusioqatigissagaa.

Immikkoortut ilinniartitsisumut naleqquttut toqqarneqassapput.

Ilinniartitsisoq matematikkimi liniefageqarsimasoq nutarsarusuttorlu makkuninnga ataatsimik arlalinnilluunniit toqqaasinnaavoq: Matematikkimi atuartitsinermi eqqarsaatersuutit pillugit, atuartitseriaatsini ilisimatusarnermi paasisat nutaat atuartitsinermilu atortut nutaanerusut.

Immikkoortoq ataaseq naammassigaanni uppernarsaammik tunitittoqartassaaq.

Ilinniartitsisup matematikkimi liniefageqanngitsup immikkoortut tamaasa ingerlassinnaavai soraarummeernissaminullu nalunaarluni. Taamaalilluni matematikkimi liniefagilittut pisinnaasaqalissaaq.


Imarisai

Ilinniaqqinnerup imarisai ilinniartitsisunngorniarluni malitassatut 2018-imi akuersissutaasut assigisorujussuuai. Taakkua www.uni.gl. nittartagaani takuneqarsinnaapput.

Ilikkagassatut anguniagassaniittut tunngavigalugit matematikkimik isiginnittaaseq pillugu oqallittoqassaaq. Takkununnga ilaapput fagip imarisai, aammalu misiligaalluni misissuillunilu atuartitseriaaseqarneq.

( Imarisaanut tunngaasut ilassutissaat kingusinnerusukkut ilanngunneqassapput )

Om

2020-19
Kalaallisut qallunaatullu atuartitsisoqassaaq.
Ilinniarfissuaq/ilinniarnermik aqutsisoqarfik allallu
Qassit qinnuteqarnersut apeqqutaallutik nunap immikkoortuini imlt. najukkami.
Ullussai kingusinnerusukkut aalajangerneqarumaarput.
Qinnuteqarnissamut killigititaq: 1. marts 2019
Ikinnerpaamik eqimattani arfineq pingasuussapput, nunap immikkoortuini, kommuneni imlt. nuna tamakkerlugu.
Annertussusaanut tunngaasut ilassutissaat kingusinnerusukkut ilanngunneqassapput