IT matematikkimi atuartitsinermi sakkussatut.

Matematikkimi atuartitsineq misissuiffiusoq/misileraaffiusoq aallaavigalugu nalinginnaasumik matematikkimi atuartitsinermi IT-ip qanoq ilaatissinnaanera sakkussat aamma atuartitsinerminni atugassamik atuartitsinissamut pilersaarusiorneq.

Anguniakkat

Pikkorissareernermi nalinginnaasumik matematikkimi atuartitsinermi IT-ip qanoq ilaatissinnaanera sakkussaqarfigilissallugu.

Pikkorissartut matematikkimi atuartitsineq misissuiffiusoq/misileraaffiusoq aallaavigalugu atuartunut matematikkimi paasiniaaffiusumut suliaqarnissaannut kajumissuseqalersitsisinnaalissasut

Pikkorissartut atuartitsinerminni atugassamik atuartitsinissamut pilersaarusiussasut.

Saaffigisat

Alloriarfinni pingasuni tamani matematikkimi atuartitsisunut

Imarisaa

Pikkorissarnerup immikkoortuani siullermi matematikkimi atortussiaq GeoGebra ulluinnarni atuartitsinermi tapertassatut atorneqarsinnaanera qitiutinneqassaaq. Matikkut/Matematikki-ni atuartitsinermi sammineqartuni IT-ip akuutinneqarsinnaaneranut atatillugu iserfigineqartassapput.

Pikkorissarnerup immikkoortuata aappaani teknologiimik paasisimasaqassuseq qitiutinneqassaaq, tassani programmering aamma kodning sammineqassallutik. Taakku saniatigut APP-it matematikkimi atuartitsinermi atorneqarsinnaasut sammineqassallutik.

Atuartitsissummi oqaatsinik atuineq oqaasertusaanerlu ilanngunneqarlunilu oqallisigineqassaaq ilaatigut IT sakkussatut periarfissarititai eqqartorneqarlutik.

Pikkorissaaneq immikkoortuni marlunni ingerlanneqassaaq akunnerani atuartitsinermi ingerlatsinerit suliarineqarlutik.

Peqataasussanut piumasaqaatit

Qarasaasiamik Ipadimillu atuinissamut periarfissaqarneq.

Om

2020-10
Qallunaatut kalaallisulllu ingerlanneqassaaq
Erik Christiansen, Ilinniarfissuarmi ilinniartitsisoq aamma Ane Fleischer, Ilinniartitaanermut aqutsisoqarfik
Najukkami imaluunniit qitiusumi inissinneqarsinnaavoq
Piffissaq Ilinniarfissuup, Ilinniartitaanermut aqutsisoqarfiup atuarfiullu pineqartup akunnerminni isumaqatigiissutigissavaat
Qinnuteqarnissamut killigititaq: 1. marts, 2020
Ikinnerpaamik 8, amerlanerpaamik 20-t
Ullut 4 ullormut akunnerit 8 marloriarluni, katillugit akunnerit 64