Atuartitsinermi aalaneq 22

Atuartitsinermi aalanissamut pikkorissarnermi aalanissaq ukkatarineqassaaq, ilinniarnissaq aammalu atuartitsinerni allanngorartitsinissaq ukkatarineqarput, taamaasillunilu ullormut aalanissamut innersuussinernut tulluarsagaalluni. Ulluinnarni atuartitsinerni aalanissap akulerunnissaanut sakkussanik isumassarsiassanillu tunineqassaatit. Pikkorissarneq tassaavoq atuartut ukkassisinnaanerannut aallussilluarsinnaaneranullu pitsanngorsaaneq, atuartitsinerup ingerlannerani aalanerup atorneratigut (BIU)

Anguniagaq

Pikkorissaaneq ilisimatusarnerup oqariartuutaaniit aallaaveqarpoq, meeqqat atuarfiini atuartunut naleqquttut.

  1. malugissutsitigut timikkullu misilittakkat, paasititsinerusut.
  2. timimik aalatitsineq, eqqarsartariaatsikkut timimullu tunngasunik unammillertitsisoq.
  3. ilorrisimaarnerunissamik atuarussuseqarnissamullu pitsanngorsaasoq.

Pikkorissarneq pitsaasumik peqqissaartumillu misilittaanissamut periarfissiivoq kiisalu atuartitsinermi aalanissap akuunissaanut isumassarsititsilluni, atuartitsinerni ingerlaannaq atorneqarsinnaasat imaluunniit tulluarsarsinnaasat, illit anguniagarnut tulluussarlugit.

Pikkorissarnerup siunertarivaa timip atornissaa meeqqat tunngaviusumik atuarfianni, timip atornera qanoq ilinniartitaanerannut tapertaalluarsinnaanersoq siunertaalluni. Atuartitsinermi timi atorlugu aalaneq allangorartitsisarpoq, atuartullu issiaannarunnaartillugit. Timimik aalatitsineq aallussissinnaanermut atuartullu inooqateqarsinnaanerannut iluaqutaasinnaavoq. Aalaneq aqqutigalugu atuartitsinerpit assigiinngissitaarnissaannut isumassarsisinnaavutit, atuartitseriaatsillu assigiinngitsut atorsinnaanissaannut.

Saaffigisat

Atuarfiup ilinniartitsisui nukarlerniit angajullernut.

Imarisaa

Atuarfimmi timimik aalatitsineruneq aqqutigalugu, atuartut ulluinnarni aalanerunissamik isumassarsitinneqarsinnaapput kajumissuseqarnerulerlutillu, tamannalu inuunermi ilanngutissallu peqqinnartuuvoq.
Pikkorissarnerup imarisaa ulluni pingasuni ingerlanneqassaaq, ilinniartitsisut timelærerillu fag-ini assigiinngitsuni  makkunani ilikkagassatut anguniagassat angunissaannut piginnaasaqarlersitsilluni:

  • atuartut kinaassutsiminnik imminnullu tatiginerulernissaannut nukittorsaaneq.
  • atuartut misigisaqarnissaminnut, naliliisinnaanissaminnut, eqqarsaatersuuteqarnissaminnut isummersorsinnaanissaminnullu kajumitsilernissaat piginnaasaqalernissaallu.
  • atuartut oqaatsit sakkussatut atorneqarnissaat ilisimasaminnik misilittakkanillu saqqummiussinerminni, suleqatigiinnerminni inunnullu nalinginnaasumik attaveqarnerminni.
  • atuartut assassornikkut, nipilersornikkut timimillu aalatitsinikkut nuannersunik misigitinnissaat.

Atuartut allanik ilalerlutik assassornerup, nipilersornerup timimillu aalatitsinerup pingaaruteqarnera nuannersuuneralu migisinnaassagaat.

Annertussusia

Ullut pingasut immikkortinneqarsinnaanngippata immikkut aaqqissuussissoqarsinnaavoq.

Peqataasussanut piumasaqaatit

Meeqqat atuarfianni 1.-10. klassemi fagimi sorlermiluunniit ilinniartitsisuuneq.

Om

2022-01
Ilaatigut kalaallisut ilaatigullu qallunaatut
Institut for Læring
Victoria Black og Pilo Samuelsen, Institut For Læring / Ilinniarfissuaq
Najukkami
Ilinniartitsinermik ilisimatusarfik, Ilinniartsitaanermut aqutsisoqarfik atuarfiillu ataasiakkaat isumaqatiginerisigut.
Qinnuteqarfissaq kingulleq: 1. marts 2022
Ikinnerpaamik 4-t amerlanerpaamik 40-t.
Ullut 3-t akunnerit 8-kkaarlugit