Atuarfimmi aalaneq

Atuarfimmi aalaneq pillugu pikkorissaanermi, ullormut aalanerusarnissamut innersuussutinut naapertorlugit, illit atuartitsitsininni aalaneq, ilikkarneq allanngorartitsinerlu ukkatarineqarput. Ulluinnarni atuartitsininni aalanerutitsinissamut isumassarsisinneqarlutillu atorsinnaasannik pisarsiaqassaatit. Atuartitsineq atuarfimmi silataanilu assigiinngitsunut nuuttassavarput, atuartup inimi atuarfigisaani toqqissisimaneq sapanginngikkaluarlugu. Ataatsimoorluta illit atuartitavillu ilikkariartorfigisinnaasassinnik pitsaasunik periarfissarsiussaagut.

Anguniagaq

Ulluinnarni atuartitsinermi aalanerup ilaanissaanut isumassarsiffissatut atorsinnaasanillu tunniussaqarnissaq anguniagaavoq. Aalanerup ilikkarsarnerullu imminnut tapertariillutik atuartitsineq allanngorartissagaat anguniagaavoq. Taamaalilluni ilikkariaatsit assigiinngitsut periarfissaqalissapput aammalu atuartitsinermi allamut saannermi ukkatarinnissinnaaneq annertusarneqarsinnaalluni. Anguniagaavortaaq atuarfimmi aalanerunerup inooqataanermi piginnaasat annertusassagai, taamaalilluni atuartut ulluinnarni aalanerunissaannut isumassarsitillugillu kajumissaarneqarsinnaallutik.

Pikkorissarnermi anguniagaq fagini assigiinngitsuni ilikkagassatut anguniagassanut makkununnga attavilerneqarpoq:

  • Atuartut kinassusiannut naleqassusiannullu nukittorsaaqataassalluni
  • Atuartut misigisaqarnissaminnut kajumissusiat, naliliisinnaanerat, qisuariaateqarsinnaanerat isummersinnaanerallu annertusassallugit
  • Atuartut oqaatsit ilisimasanut misilittakkanullu, suleqateqarnermut inooqataasutullu sutigut tamatigut atortutut pingaarutilittut misigilissagaat
  • Atuartut suliaqarluni, eqqumiitsuliortorpalaartumik timilu atorlugu sulineq nuannersutut misigissagaat
  • Atuartut sulinerup, eqqumiitsuliortorpalaartumik timilu atorlugu suliaqarnerup allanik peqateqarluni naleqarneri nuannersuunerilu misigissagaat

Saaffigisat

Ilinniartitsisut tunngaviusumik atuartunik atuartitsisut

Imarisaa

Pikkorissarneq pingasunik immikkoortortaqarpoq:

 1. Immikkoortoq siulleq:

Atuarfissinni ulluni pingasuni pikkorissarneq. Tassani timi atorlugu suliaqarluni ilikkarsarneq imarissavaa. Suliat atuagarsorluni fagit timersorlunilu silamiinnerni fagini klassimi atuartitsinermut attavilerneqarsinnaapput. Atuartut pinnguarlutik aalanerminni anertikkaatigalutik ilikkagaqassapput. Suliassat atuartut suleqatigiissinnaanermut  nammineerlutillu eqqarsarsinnaanerannut annertusaataassapput. Tassani immikkortumi pikkorissartullu aalaneq, ilikkarsarneq atuartitsissutissanillu imalimmik ineriartortitsilluni  isumassarsioqatigiittoqassaaq. Tamakkua peqataasut atuartitaannut naleqqussarneqassapput

 2. Immikkortup aappaa: (tiimit marluk).

Aalalluni suliaqarneq piviusumi uppernarsaaserluni misilinneqassaaq. Taakkua allallugit assitalerlugit filmeeraliaralugilluunniit uppernarsaatilerneqassapput. 

 3. Immikkoortut pingajuat: (tiimit arfinillit)

Atuarfimmi pissapput.  Ilinniartitsisut ilisimalikkatik, misilittakkatik misigisatillu saqqummiutissavaat. Atuarfimmi atuartitsinermi aalanerup ilaanissaata ataatsimoorussilluni takorluukkanik suliaqartoqassaaq.

    Om

    2021-05
    Qallunaatut
    Institut for Læring
    IIinniarnermut ilisimatusarfik / Ilinniartitaanermut Aqutsisoqarfik
    Najukkami
    Ilinniarnermik Ilisimatusarfiup, Ilinniartitaanermik Aqutsisoqarfiup atuarfiullu pineqartut akunnerminni isumaqatigiissutaat aallaavigalugu
    Qinnuteqarnissamut killiliussaq: 1. marts 2021
    Akunnerit 32 alloriarfinnut pingasunut agguarneqarput: Alloriarfik 1: ullut 3 katillugit akunnerit 24 = ullormut akunnerit 8, alloriarfik 2 = akunnerit 2 kiisalu alloriarfik 3 = akunnerit 6.