Kusanartunik ilinniariaatsit digitalinillu pilersitsineq

Ilusiliisinnaanermut nutaaliorsinnaanissamullu suleriaatsit, atuartut ilinniarnerminni ineriartornissaannut pingaaruteqartorujussuupput. Pikkorissarnermi isumassarsitinneqassaatit qanoq atuartitsinerit aaqqissuutissanerit, kusanartunik ilinniariaatsit digitalinillu pilersitsinissat ukkataralugit.

Anguniagaq

Eqqumiitsuliornermi Sanaartugassanillu Titartaanermi aamma/imaluunniit Assassornermi Ilusilersuinermilu atuartitsinermi nutaaliorsinnaanerup pingaarutaannik ilisimasaqarneq.

Saaffigisat

Ukunani ilinniartitsisut Eqqumiitsuliorneq Sanaartugassanillu Titartaaneq aamma/imaluunniit Assassorneq Ilusilersuinerlu

Imarisaa

Kusanartuliorluni iliniariaatsini aamma assigiinngitsunik ilusilersuinermi ilinniartitsisut nutaaliorsinnaanermik ilisimasaqalertarput.

Isumassarsianik inerisaanermi takorluuisinnaanerup pingaaruteqarnera kiisalu nutaalianik misileraanissaat  sanaartornerminni. Pikkorissarnerup naammasinerani ilinniartitsisut nutaaliornermi nalileeriaatsinik aamma digitalinik pilersitanik ilisimasaqalernissaq paasisaqarnerlu pigineqalissapput.

Peqataasussanut piumasaqaatit

Eqqumiitsuliorneq Sanaartugassanillu Titartaaneq aamma/imaluunniit Assassorneq Ilusilersuinerlu soqutigigaanni

Om

2022-03
Kalaallisut qallunaatullu
Institut for Læring
Ilinniartitaanermik ilisimatusarfimmi / Ilinniartitaanermut aqutsisoqarfimmi ilinniartitsisoq/-sut
Najukkami
Ilinniartitsinermik ilisimatusarfik, Ilinniartitaanermut aqutsisoqarfik atuarfiillu ataasiakkaat isumaqatiginerisigut.
Qinnuteqarfissamut kiilligititaq: 1. marts 2022
Minnerpaamik 5-at atuarfinni mikinerni; minnerpaamik 8-t amerlanerpaamik 20-it illoqarfiit atuarfiini. Illoqarfiit atuarfiini arlalinnik atuarfilinni, atuarfinniit peqataasussat kattunneqarsinnaapput.
Ullut 4-at akunnerit 8-kkaat.